 | | |
| | |
|
Spaces home  World . of . colourPhotosProfileFriends |  Tools   |
|
|
/: إزعاج...
صبّحكم بالخير يا العمّال العماليه
صبّحكم بالنور يا أهل العمال العماليه
جينا نخطب بنتكم الحلوه المزيونه
والله ما نعطيكم إلا بألف و ميّه
جينا على دياركم و نكسّر أبوابكم
و هاااذي عروستنا
,,
لووووول اغنيه قديمه كنّا نرددها و نلعب يوم كنا صغار
والله زمان راحت أيام مهر 1100 منو يتزوج بهـ المبلغ ألحين
,,
شلون حبايبي زواري من زمانات ما نزلت بلوق
بس اليوم انبطت جبدي و بغيت أوبجي أوبجي
حرام والله
لي متى ؟
لي متى هـ المعاناه
انا ما أحب الهنود و لا أحب العمال
مزعجين بشكل خيالي
طاخ طيخ
طاخ طيخ
كل صبح و هاذي حالتي
 أحاول أنام .. أحاول أتجاهل الإزعاج مووووو أدقر ودي أطلع من الدريشه أهاوشهم بس أخاف يتخرعون هههه
 لوووؤ مو يتخرعون لا انا أقصد يمكن يتحطمون ما ينامون يتعذبون حرام كل إزعاج الطقطقه يهووون
عنهم
إذا سولفوا يا لهوي
أصواتهم جنهم عندي بالغرفه
!.. آآه نصبر جيران شنسوي بعد
بس تدرون عاد
 بفقدهم إذا راحو ا تعودت عليهم و آخذت لهم صوره
ههههه شوفوا اللي متكي عجيب
و دمتم سالمين
( :
... أحلى سحور .. و كل عام و أنتو بخيرصباح الخير لأحلى ناس
,,
ياا حلو السحور و اللمه حوله
تذكرنا بأيام رمضان و لياليه
مسموسه قررت تشمر عن ذراعها و تسوي السحور
عيش مصري و روب ما أحلى منه
مهما تتعدد الاطباق و الأصناف السحور حلاته عيش أبيض و طماطه ذايبه
تقرصها تنبط
 .. ما أحب الطماط بس شكلها حلو مع العيش ما فيه ريحه حراق يتراوالكم لوول
يوم قربت تخلص الوليمه يعني بقى شويه ماي
نزلت أقوّم اخواني
 .. يلا السحور يبيله استنفاذ كل طبقات الصوت عشان يحسون
 قالي واحد مابي بنام
و الثاني قالي أنزين أنزين
يا فلان
أنزين أنزين ألحين أجيج
يا ربي اشفيج ألحين بصعد
و مغمض عيونه
 .. !
صعدت و دشيت المطبخ .. إلا فيه ريحه اللي خبركم :/
نشف الماي بسرعه ما توقعت جذي
رحت بسرعه و أخذت خبزه و قطيتها بالجدر و سكرته
سنعه انا ..
 للي ما يعرف
الخبز يمص ريحه الحرق
و لا من شاف و لا من دري
راحت الريحه >> كانت خفيفه لأنها
 و أكلناه بالعافيه علينا
و تقبل الله منّا و منكم صالح الأعمال
(:
,,
عيدكم مبارك و أيامكم سعيده
 أرق . . !أرق هـ اليومين مو طبيعي
أول شزيني شحلاتي
ما تجي الساعه 12 إلا انا بسابع نومه
ما أحب السهر و لاني من ربعه
بس ساعات النوم يفارق العين غصب
 [,,]
...
صوره صورتها يمكن تكون غامجه شوي
محاوله جديده في التصوير ,, ان شاء الله تعجبكم
 سهيت بصفحة كتابي لقيتك بأول الأوراق
و انا ألاهي مع كتابي لقيتك كلك أوراقي
ألا يا حبي الأول ألا يا غايتي .. مشتاق
هقيت منت في قلبي و أثرك داخل اعماقي
[,,]
ذكريات....
 /
نصبحكم بالخير
دايما إذا حسينا بالملل نسترجع أيام مضت حلوه كانت أو مره
و إذا كانت بـ الصور بيكون لها أحساس ثاني
هاذي كانت باليوم الفلاني و هاذي بالمكان الفلاني
أيام حلوه و أوقات أحلى
نتمنى ترد لو دقايق و نعيشها مره ثانيه و ثالثه
... و ان شاء الله تعجبكم الصور
[ ..أحلى الذكريات ]
.... اليوم الأول كلنا عارفين أنه ملابس المدرسه تغيرت بس ما توقعتها جذي حلوه
عجبتني الألوان .. حلوه حيل حق البنات
 ههههه أما هاذي صدتهم صيده
ودي أعرف بشنو يطالعون
 step one تررررن ترررررررن
صوت الجرس للحين براسي
يوم كنا صغار نستانس نسمعه
بتكون يا نهاية حصه أو فرصه
اما ألحين كبر راسنا عليه
لا سمعته عقدت نواظري على طول .. مزعج
مع التعود ان شاء الله بيصير إيزي
.
.
 .
.
اللهم لا سهل إلا ما جعلته سهلاً
فاجعل يومي هذا سهلا يا رب العالمين
كلمات بديت فيها مرحله جديده بحياتي
و مسموسه صارت أبله
 و الله و كبرنا -_-
اللي ضحكني اليوم أحس اني رديت لمرحلة الروضه
ماا طلعت من البيت إلا و امي معاي
حلاوتها يوم جيت بنزل للمدرسه .. أصرت أنها تدخل وياي توصلني للإداره
بعد محاولات و حب خشوم [ لول ] اقتنعت أنها تمشي عند الباب
حلو حرص الأم ..
مهما كبرنا بتظل تشوفنا أطفال
 .
.
مبرووِوَوِوَك لألي الكورس الميداني
و عقبال الوظيفه ان شاء الله
و صورت جم صوره برفعها ان شاء الله عـ السبيس هـ اليومين
عـسـاكـم مـن عـواده قرقيعان و قرقيعان بيت اقصيّر و رميضان
عادت عليكم صيّام كل سنه و كل عام
آلله يخلي سبيسي الله يخله لأمه
عسى البقعه ما تخمه و لا يواسي على أمه
قرقيعان ابيتكم الله يخلي وليدكم
قرقيعان بسكتكم الله يخلي ابنيتكم
حياا اا آآ اٍاٍ اا كــم
 |
|
|
Print
